რა არის ქოფირაითინგი?
სახელმძღვანელო (2025)
საბა შველიძე
აღნიშნული სახელმძღვანელო დაგეხმარება გახდე წარმატებული ქოფირაითერი,
აქ გაიგებ ყველა არსებით ქოფირაითინგის ტექნიკებს, ფორმულებს
პრაქტიკული მაგალითებით.
შეისწავლი როგორ გახდე:
დამაჯერებელი,
აწარმოო მეტი გაყიდვები,
მიმართო მომხმარებლები შენთვის სასურველ პლათფრომაზე,
დააგენერირო მომხმარებლები
და რაც მთავარია,
გახდე პროფესიონალი არსებულ ინდუსტრიაში
რა არის ქოფირაითინგი ზოგადად ?
ამ სექციაში გაიგებ რა არის ქოფირაითინგი და რატომაა ის მნიშვნელოვანი ნაწილი ციფრულ მარკეტინგის ინდუსტრიისთვის.
პირველ რიგში აუცილებელია განვმარტოთ ტერმინი ,,ქოფირაითინგი“- ეს არის უნარი შექმნა დამაჯერებელი ასლი, ტექსტი, შენი პოტენციური თუ არსებული მომხარებლისთვის,რომელიც უბიძგებს მათ კონკრეტული,
ჩვენთვის სასურველი ქმედების განხორციელებისკენ.
იყო ქოფირაითერი არ ნიშნავს იყო მხოლოდ კარგი მწერალი, მოცემულ პროფესიაში შენ მოგეთხოვება გქონდეს ცოდნა პოტენციური მომხმარებლის (lead)-ის, მისი მიზნების, გამოწვევების და სურვილების. ამ ინფორმაციაზე დაყრდნობით კი შექმნა შენი ტექსტი იმგვარად, რომელიც მოერგება მათ და გარდაქმნის ჩვეულებრივ პერსონას მომხმარებლებამდე.
რაც შეეხება ქოფირაითინგს ციფრულ მარკეტინგში, აღნიშნულ პროფესიაში შენ მოგეთხოვება შემდეგი სახის საქმიანობები, როგორიცაა: გაგება პერსონების ქცევების, მათი საჭიროებების გათავისება, დახმარება გამოწვევების დაძლევაში ჩვენ მიერ გაკეთებული შეთავაზებით და მითითება, კონკრეტული, ჩვენთვის სასურველი ქმედების განსახორციელებლად.
დღევანდელ რეალობაში ქოფირაითინგი გადაიქცა მოთხოვნად და ფართოდ გაცრცელებულ პროფესიად, მოიპოვა უზარმაზარი პოპულარულობა და გახდა ერთ-ერთი მაღალ შემოსავლიანი საქმიანობა.
ნებისმიერი წარმატებული ბიზნესი მოითხოვს ქოფირაითინგის საბაზისო უნარებს, რათა მისთვის შექმნას უნიკალური და დამაჯერებელი რეკლამა თუ ტექსტი. მაშინაც კი თუ გაქვს გამორჩეული ბიზნესი ეფექტური ასლის გარეშე დიდი სიმაღლეების მიღწევა რთული იქნება.
შესაბამისად, წარმატებული ქოფირაითერობისთვის გჭირდება იყო დახელოვნებული მწერალი. შენი მთავარია მიზანია არა მკითხველის განათლება ან გართობა, არამედ ფოკუსირება ისეთი ტექსტის შექმნაზე რაც მოერგება მომხმარებლის ინტერესს და მიზნებს, შესთავაზებს მათ რეალურად რაიმე ღირებულს კონკრეტული პრობლემის მოსაგვარებლად .
აღნიშნული მიდგომა კი კონვერტირდება საბოოლოო მიზანში, გაზარდო გაყიდვები, ბრენდის ცნობადობა და სხვა მარკეტინგული გეგმები.
შეჯამებისთვის, როგორც ქოფირაითერი შენი მოვალეობაა იყო დახელოვნებული storytelling-ში, გადმოსცე ზუსტად თუ რას სთავაზობს ცალკეული ბრენდი თუ ბიზნესი მომხმარებელს და რა მთავარ ბენეფიტებს მოიცავს არსებული შეთავაზება. სწორად შერჩეულ სიტყვებს, რასაც ქოფირაითინგში ეწოდება power word-ები, გაძლევს უნარს გაყიდო ნებისმიერი რამ ეფექტურად,
დასკვნის სახით, საბაზისო და არსებითი უნარები,რომელიც ქოფირაითერს მოეთხოვება შემდეგია:
• იყო კარგი Storyteller-ი
• ყოველთვის გქონდეს წინასწარ განსზღვრული მიზანი
• განსაზღვრო უნიკალური და ღირებული შეთავაზება, რომლის გარშემოც ცდილობ
ააგო მთლიანი ტექსტი (Unique selling point)
• გრამატიკის საბაზისო უნარები
• მკითველზე და მომხმარებელზე ორიენტირებულობა
• დამაჯერებლობა
ქოფირაითინგის ტიპები
ახლა კი ვისაუბროთ ქოფირაითინგის ტიპებზე, რომლებიც გამოიყენება ციფრული მარკეტინგის ინდუსტრიაში.
როგორც აღვნიშნე, ქოფირაითინგი ფართო გამოყენების პროფესიაა, ის შეიძლება განკუთვნილი იყოს სხვადასხვა საჭიროებებისთვის, კონკრეტულად ციფრული მარკეტინგისა თუ სხვადასხვა ბიზნესს ინდუსტრიებისთვის. არსებობს ქოფირაითინგის განსხვავებული სახეობები:
Direct-response ქოფირაითინგი:
მოცემული ტიპის ქოფირაითინგი შექმნილია იმგვარად, რომ დაუყოვნებლივ უბიძგოს მკითხველს კონკრეტული ქმედების განხორციელებისკენ.
შესაბამისად ამ ტიპის ასლები ორიენტირებულია დააგანერიროს მყისიერი გამოხმაურება მომხარებლისგან. გასათვალისწინებელი და აუცილებელი მახასიათებელი,რაც თან სდევს აღნიშნული ტიპის ქოფირაითინგს ესაა,რომ გამოიყენო ძლიერი და ქმედებაზე ორიენტირებული CALL-TO-ACTION (CTA), იგივე რაც გარკვეული ქმედებისკენ მოწოდება, მაგალითად:
• დარეგისტრირდი,
• იყიდე ახლავე,
• გადმოიწერე და სხვა.
Direct-respone ქოფირაითინგის ტიპი შეიძლება გამოყენებულ იქნას
• Sales letter- რაც ორიენტირებულია გაყიდვებზე
• landing page- რაც ორიენტირებული lead-ის შეგროვებაზე
• online sales page- გაყიდვების გენერირება ონლაინ პლათფორმებზე
• იმეილ მარკეტინგი - მეილების გზით გარკევეული მარკეტინგული მიზნების განხორციელება
Advertising copywriting:
მსგავსი ტიპის ქოფირაითინგის შემთხვევაში, შენი მიზანია შექმნა დამაჯერებელი, საკმარისად მიმზიდველი და სანდო ასლი, რომელიც
ხელს შეუწყობს და გაზრდის ცნობადობას შენ მიერ შეთავაზებული პროდუქტის, სერვისისა თუ ბრენდის, განკუთვნილი სხვადასხვა ციფრული მარკეტინგის არხებისთვის( ტელევიზია, სოციალური მედია თუ სხვა).
Seo copywriting:
Seo ქოფირაითინგი ოდნავ განსხვავებულია სხვა ტრადიციული ქოფირაითნგის ტიპებისგან, როგორც SEO ქოფირაითერს შენ მოგეთხოვება იპოვო შენი კონტენტის სათაურისთვის რელევანტური keyword-ი და სტრატეგიულად განათავსო ისინი ასლში.განახორციელო ON-PAGE SEO ოპტიმიზაციის შემადგენელი ელემენტები. მთავარი მიზანი SEO ქოფირაითერისა ესაა დაეხმარო შენს ვებსაიტს დაიკავოს უფრო მაღალი ადგილი გუგლის საძიებო სისტემის შედეგების გვერდზე. სამუშაო გარემო SEO ქოფირაითერებისთვის შემდეგია:
• ჩაატარო Keyword კვლევა
• განახორციელო Keyword მონაცმეთა ანალიზი
• განათავსო შენთვის საჭირო Keyword-ი, სტრატეგიულ და მნიშვნელოვან ადგილებზე
• დაწერო ქოფირაითნგის ტექნიკების გათვალისწინებით meta tag-ები, როგორიცაა( სათაური tag-ი, meta აღწერილობა და ქვესათაურები).
შესაბამისად, მიუხედავად განხვავებული სამუშაო ტიპისა, ტრადიციული ქოფირაითინგისგან განსხვავებით, როგორც SEO ქოფირაითერს შენ მაინც გჭირდება გამოიყენო ფუნდამენტური უნარები , რაც მოიცავს( დამაჯერებლობას, იყო ბუნებრივი, გამოიყენო შესაფერისი სასაუბრო ტონი და სხვა). იგივე ვრცელდება ლოკალურ SEO ოპტიმიზაციაზეც.
Email copywriting:
Email მარკეტინგში, ქოფირაითერები ქმნიან განსხვავებული ტიპის ასლებს, სხვადასხვა მარკეტინგული საჭიროებებისთვის. არსებოს Email ქოფირაითინგის სხვადასხვა ტიპები:
Promotional Email ქოფირაითინგი – ორიენტირებული პროდუქტის, სერვისის თუ ბრენდის ცნობადობის ხელშეწყობაზე, მომავალი გაყიდვების და lead-ების გენერირების მიზნით.
Newsletter Email ქოფირაითინგი:
აღნიშნული სახის იმეილ ქოფირაითინგი საკმაოდ აქტუალური და გავრცელებული მეთოდია ამ ტიპის მარკეტინგში, რა დროსაც მარკეტერი აგზავნის ყოველკვირეულ მეილებს მკითხველებისათვის, რომლებიც ამ უკანასკნელს აძლევენ ნებართვას მათთვის ელფოსტის გაცვლის სანაცვლოდ მიიღოს ყოველკვირეულად, გარკევული თემებთან დაკავშირებით- სიახლეები, საგანმათლებლო ხასიათის ცნობები და შეთავაზებები.
Sales Email ქოფირაითნგი -ორიენტირებულია გაყიდვებზე
Cold Outreach Email ქოფირაითინგი B2B მარკტერებისთვის- ამ ტიპის იმეილ ქოფირაითინგისთვის, ელფოსტის საშუალებით უგზავნი cold email-ს სხვადასხვა ბიზნესის წარმომადგენლებს, გარკვეული შეთავაზებისთვის, როგორიცაა( ბიზნეს პარტნიორობის შეთავაზება, კოლაბორაცია და სტუმრად ბლოგების წერის (Guest Blogging) შეთავაზება.
Abandonment Cart Email ქოფირაითინგი:
აღნიშნული ტიპის მეილები გამოიყენება ონლაინ მაღაზიების მიერ, მომხმარებლების მხრიდან საშოპინგო კარტაში მივიწყებული პროდუქტების გასახსენებლად, რასაც ხშირ შემთხვევებში, წახალისების მიზნით, თან ერთვის გარკევეული სახის ფასდაკლებები.
Welcome Email ქოფირაითინგი: მისასალმებელი ტიპის იმეილი
Engagement Email ქოფირაითინგი:
აღნიშნული შემთხვევაში იმეილ ასლი განკუთვნილია მომხარებელს უბიძგოს ჩართულობისკენ, მის მიერ შეთავაზებული ფასდაკლებებითა თუ სეზონური, მნიშვნელოვანი ბიზნესს მოვლენების შეხსენებით.
Product Update Email ქოფირაითინგი:
შეტყობინებების გაგზავნა მეილის სახით გარკვეული სახის განახლებებზე,იმ პროდუქტებთან დაკავშირებით, რომლის მიმართაც მომხმარებელმა გამოხატა ინტერესი ან მას აქტიურად იყენებს.
Lead nurturing Email ქოფირაითინგი- ასეთი სახის მეილები მიზნად ისახავს lead-ების დაგროვებას, მათთვის sequence-ების გაგზავნის გზით( წინასწარ დაგეგმილი განრიგით რამდენიმე მეილის გაგზავნა), რაც მოიცავს შეთავაზებებს , განახლებებს და სხვადასხვა სახის მეილებს.
Confirmation Email ქოფირაიათინგი- ასეთი ტიპის მეილი იგზავნება გარკვეული ქმედების დასადასტურებლად, მაგალითად მომხარებლის მიერ ონლაინ, გარკვეული ციფრული სერვისის გასააქტიურებლად.
Social Media copywriting:
ქოფირაითინგი სოციალური მედიისთვის სპეციფიური ნიშნებით ხასითადება, რა დროსაც ქმნი ისეთი სახის ასლს, რომელიც მოითხოვს ლაკონურობას და სიზუსტეს, უნდა აძლიერებდეს ჩართულობას, გაფორმებული დამატყვევებელი და ეფექტური ვიზუალური ელემენტებით.
მსგავსი ტიპის ქოფირაითინგი გამოიყენება სხვადასხვა სოციალური პლათპორმებისთვის, როგორიცაა( Facebook, Instagram, Twitter და Linkedin), მისთვის განკუთვნილი სპეციალური მიზნებისთვის:
• ააშენოს ბრენდის ცნობადობა
• წაახალისოს მკითველი
• მკითველის ინფორმირება
• დააგენერიროს გაყიდვები
ასლი რომელიც შეესაბამება მომხმარებლის ინტერესს
თუ გსურს იყო წარმატებული ქოფირაითერი, შენ გჭირდება გქონდეს სრულფასოვანი ინფორმაცია შენი პოტენციური მომხმარებლების შესახებ,
იცოდე მათი სასაუბრო ენა, გამოწვევები,
ინტერესის სფეროები.
მომხმარებელზე ორიენტირებულობის გარეშე
შენი ქოფირაითინგის საქმიანობა ვერ შედგება,
ახლა კი გაგიზიარებ 3 ქოფირაითერებისთვის
მოსახერხებელ ხელსაწყოს, რაც გაგიადვილებს
აღნიშნულ სამუშაო პროცესს.
მომხმარებლის კვლევა არის სასიცოცხლო კომპონენტი ნებისმიერი ქოფირაითინგის კამპანიისთვის, მის გარეშე შენი ასლის ეფექტურობა შემცირდება 80%- ით, შესაბამისად ტექსტის შედგენისას მისი, როგორც აუცილებელი ასპექტის გათვალისწინება გადამწყვეტია.
შეკითვები,რომლებიც ჩვენ თავს უნდა დავუსვათ მომხარებლის კვლევის განხორციელებისას შემდეგია:
• რა არის ჩვენი სამიზნე აუდიტორიის საჭიროებები
• რა აძლევს მათ მოტივაციას
• მათი შეხედულებები აღნიშნულ სფეროსთან
• მათი მოლოდინები ჩვენთან დაკავშირებულ სფეროში
• მათი სურვილები
• გამოწვევები რომლებსაც ისინი აწყდებიან
• რა მოსწონთ და რა არ მოსწონთ
• მათთვის მტკინვეული საკითხები
მოდი, გადავიდეთ 3 მოსახერხებელ ხელსაწყოზე, რაც დაგეხმარება და გაგიმარტივებს მომხმარებლის კვლევის პროცესს და შემდგომში ასლის შექმნას:
1. სოციალური მედია პლათფორმები- გამოყენება სოციალური მედია პლათფორმების, როგორებიცაა: Facebook, Instagram, linkedin, reddit, twitters ან ფორუმები, მაგალითად quora. აღნიშნული პლათფორმები უზრუნველყოფს შენთვის შექმნას სრულყოფილი ხედვა მომხარებლების შესახებ, რათა შექმნა რელევანტური შეთავაზება იმ პროდუქტებისა თუ სერვისების, რომლის გარშემოც ცდილობ ააგო მთლიანი ასლი. აქ აღმოაჩენ კომენტარებს, დისკუსიებს აღნიშნულ თემებთან დაკავშირებით. გაანალიზებ თუ რას ფიქრობს ხალხი, რა მოსწონთ მათ ჩვენ მიერ გასაკეთებელი შეთავაზებების მსგავსს საგნებთან მიმართებით.
2. Review საიტების გამოყენება- მაგალითად amazon-ი. ჩავუღრმავდეთ კომენტარების სექციას და დავაკვირდეთ თუ რას საუბრობენ მომხარებლები ჩვენ მიერ მსგავსი შესათავაზებელი პროდუქტების შესახებ, რომლის გარშემოდაც ვაპირებთ ასლის შექმნას. სწორედ იმ სურვილების და სარგებლის, რასაც მომხარებლები აფიქსირებენ თავიანთ კომენტარებში, მათი გადმოტანით ჩვენს ტექსტში, შეძლებ მომხარებლისათვის ნამდვილად ღირებული შეთავაზების გაკეთებას.
3. Youtube- კომენტარების სექცია იუთუბში, წარმოადგენს ღირებულ რესურსს და ბაზისს შენი მომავალი ასლის შექმნისთვის, რომელიც ეხმაურება მომხარებლების ინტერესს. ეს პლათფორმა უზრუნველყოფს მოგაწოდოს სრულყოფილი ხედვა რაც, საშუალებას მოგცემს აღკაზმო შენი მესიჯი მომხარებელთა ინტერესის შესაბამისად.
დამატებითი რჩევა, რაც მომხმარებლების კვლევისას აუცილებელია, ესაა საბოლოო რეზიუმეს სახით, აღნიშნული ინფორმაციის შეჯამება და ამ ინფორმაციაზე დაყრდნობით ,,იდეალური მომხარებლის“ (ideal customers) ცხრილის შექმნა. იდეალური მომხარებელი არის კრებული, ბუტაფორიული პერსონისა, რომელიც მთლიანობაში გამოხატავს შენს სამიზნე აუდიტორიას. ამ ცხრილის გაკეთებით, გეძლევა შანსი შექმნა ასლი, რომელიც ემოციურ დონეზე ეხმიანება და დაკავშირებულია მომხმარებლებთან.
დასკვნის სახით შეიძლება ითქვას,რომ მომხარებლის კვლევა არის ფუნდამენტი წარმატებული ასლის შქმნისთვის. მისი გამოყენება არამარტო გაამარტივებს წერის პროცესს, არამედ უზუნველყოფს იმასაც, რომ შენი ასლი პირდაპირ მოერგება მკითველის საჭიროებებსა და ინტერესებს.
ქოფირაითინგის ტექნიკები
ამ სექციაში, შენ გაიგებ 4 ქოფირაითინგის ტექნიკას,
რაც აამაღლებს შენი,
როგორც ქოფირაითერის უნარებს,
ხელს შეგიწყობს შექმნა უფრო მეტად
დამაჯერებელი ასლი ყოველ ჯერზე,
როცა დაიწყებ რაიმეს ახლის წერას
1. განსაზღვრე ასლის მთავარი მიზანი
მას შემდეგ,რაც ჩაატარებ მომხარებლის კვლევას და გაიგებ ყველა საჭირო ინფორმაციას შენი მკითხველის შესახებ, როგორიცაა მათი შეხედულებები და საჭიროებები,შენი შემდეგი ნაბიჯია განსაზვრო თუ რა არის შესაქმნელი ასლის მთავარი მიზანი, კონკრეტულად რისთვის ქმნი მოცემულ ტექსტს, ეს მიზანი შეიძლება იყოს:
• ტექსტის შექმნა B2C მარკეტინგისთვის, სადაც შენი მთავარი მიზანია პროდუქტის გარეკლამება მომხარებლებისთვის
• შესაძლოა შენი მთავარი მიზანი იყოს, ბრენდის სანდოობის გაზრდა არსებულ ინდუსტირაში
• ან შექმნა ასლი რაიმე კონკრეტული მიზნით,მაგალითად:კოლაბორაციის შეთავაზება, ბექლინკების მოპოვება და სხვა.
იმისათვის, რომ მაქსიმალურად უზრუნველყო დასახული მიზნების ჩამოყალიბება, საჭიროა შექმნა მოკლე თემფლეით ცხრილი, რომელიც დაყოფილი იქნება სამ სექციად:
- რა ტიპის ინფორმაცია გსურს,რომ შენმა მომხმარებელმა გაიგოს შენ მიერ შექმნილი ტექსტის მეშვეობით
-რა ქმედება გსურს, რომ მან განახორციელოს მას შემდეგ, რაც გაეცნობა შენ ასლს
-რა არის შენი მიერ შესათავაზებელი პროდუქტისა თუ სერვისის უნიკალური მახასიათებელი, რაც გამორჩეულს ხდის მას არსებულ ინდუსტრიაში და კონკურენტებთან მიმართებით.
ამ კითხვების დაორგანიზებით, შენ შექმნი წარმატების მომტან გეგმას. მნიშვნელოვანია გაითვალისწინო, რომ წინასწარ განსაზღვრული მიზანი გადამწყვეტია შენი ასლის წარმატებისათვის, რადგან ქოფირაითინგში ყურადღება ექცევა არა ლამაზად აღკაზმულ ტექსტს, გაფორმებული მრავალი შესატყვისითა და ეპიტეთებით, არამედ მკაფიოდ განსაზღვრულ, კარგად სტრურუქტურირებულ ასლს, რომელშიც
თითოეულ წინადადებას ექნება თავისი მნიშნველობა და შეიტანს წვლილს შენი ასლის საბოლოო მიზნის განხორციელებისთვის, რაც გამოიხატება CTA-ში.
ყოველთვის გახსოვდეს, თავდაპირველად განსაზღვრე შენი მიზანი და შემდეგ დაიწყე წერა. ეს მიდგომა დაგეხმარება იყო, თანმიმდევრული, ადვილად გასაგები და ეფექტური.
2.WIIFM ტექნიკა
ახლა კი ვაპირებ აგიხსნა ქოფირაითინგის მოსახერხებელი WIIFM ტექნიკა( What’s in it for me - რა არის აქ ჩემთვის).
როდესაც ქმნი ასლს მომხარებლისთვის, ყოველთვის არსებობს ცდუნება მოიცვა ყველა სახის დეტალი შენი ბრენდის, პროდუქტის თუ კომპანიის შესახებ.
ეს არის გავრცელებული შეცდომა დამწყები ქოფირაითერებისთვის.
ადამიანები ყოველთვის არიან ორიენტირებულები საკუთარ თავზე, ეძებენ რაიმე ღირებულს თავიანთთვის, როცა კითხულობენ გარკვეული სახის ტექსტს, ეს ფაქტი ასევე ვრცელდება შენ მიერ შექმნილ ასლზეც.
იმის ნაცვმლად, რომ ფოკუსირდე მხოლოდ საკუთარ თავზე, მიმართე ეს ყურადღება პოტენციურ მომხმარებლებზე,
შეეცადე დაარმწუნო ისინი, რომ შენ მიერ შეთავაზებული ყოველი რამ არის, მხოლოდ მათთვის განკუთვნილი.
სწორედ ამ ამოცანის გადაჭრისთვისაა განკუთვნილი WIIFM ტექნიკა. ეს შეცვლის შენი წერის მიდგომას ყოველჯერზე,
დაგეხმარება წერო მომხარებლის პერსპექტივიდან. როგორც ზემოთ ვახსენე, WiiFM ტექნიკა დგას მოცემულ ,,რა არის აქ ჩემთვის“ მიდგომაზე , შესაბამისად მისი გამოყენება გიბიძგებს იაზროვნო, როგორც მომხარებელმა, ჩააყენო საკუთარი თავი თავი მომხარებლის ადგილას.
ყველაფერი შეიცვლება, როცა დაიწყებ ფიქრს მომხარებლის პერსპექტივიდან, ყურადღებას გაამახვილებ იმ დეტალებსა და სარგებელზე, რომელიც ზუსტად ერგება მკითხველის ინტერესს და არ წარმოადგენს უბრალოდ შენი კომპანიის მიღწევების ჩამონათვალს, რაც მათთვის უინტერესოა
და ტექსტის წაკითვის სურვილს დააკარგვინებს.
შესაბამისად, ნაცვლად იმისა, რომ ყურადღება გაამახვილო საკუთარ თავზე, იფიქრე მომხარებლის გადმოსახედიდან და ასლში ხაზი გაუსვი იმ ბენეფიტებს, რომლებიც მკითველისთვის ღირებულია.
იმისათვის, რომ ეფექტურად გამოიყენო არსებული ტექნიკა, წერის დროს გამოიყენე არა ,,ჩვენ“ და ,,მე“ სასაუბრო ენა, არამედ ,,შენ“, ეს მარტივი გადაფორმატება მნშივნელოვნად გააძლიერებს შენ კომუნიკაციას მკითხველთან და დაუკავშირდები მომხმარებლებს პერსონალურ დონეზე.
მაგალითად: შენ ცდილობ ხელი შეუწყო SEO მომსახურების სააგენტოს, რომელიც ახორციელებს SEO სერვისს, იმის ნაცვლად რომ დაწერო შემდეგნაირად,
• ჩვენი Seo სააგენტო არის გამოცდილი, პროფესიონალი კოლექტივით დაკომპლექტებული გუნდი, რომელიც უზრუნველყოფს მაღალი ხარისხის მომსახურებას.
ნაცვლად,
• WIIFM ტექნიკის გამოყენება- აღნიშნულ SEO სააგენტოში შენ შეგიძლია მოიპოვო უპირატესობა კონკურენტებზე. ჩვენი SEO გუნდი დაგეხმარება შენი მიზნების შესაბამისად, განახორციელო პროფესიონალური SEO კამპანია, რომელიც გაზრდის შენი ბრენდის ცნობადობას და დაგეხმარება შენი საიტი მოხვდეს საძიებო სისტემის შედეგების პირველ გვერდზე.
3. იყავი ბუნებრივი
ქოფირაითინგის მთავარი მიზანი, როგორც უკვე ვახსენეთ, არის შექმნა ადვილად გასაგები ასლი, რომელიც ეფექტურად გადმოსცემს მთავარ სათქმელს. დამწყები ქოფირაითერები ხშირად უშვებენ შემდეგი სახის შეცდომებს, როგორიცაა , რაც შეიძლება რთული და კომპლექსური სიტყვების გამოიყენება, ზედმეტად ფორმალური ტონის არჩევა და დიდი წინადადებების შედგენა.
ყოველივე აღნიშნული, საბოლოო ჯამში,
ასლს ხდის რთულად გასაგებს, რაც მკითხველის მხრიდან უინტერესო ხდება.
ადამიანები მიდრეკილნი არიან, წერის დაწყებისთანავე გახდნენ არაბუნებრივები,
როგორც რობოტები.
ამის არიდებისთვის კი უმჯობესია ავირჩიოთ სასაუბრო და ბუნებრივი ტონი,
როგორიც გახასიათებს მეგობრებთან ან ოჯახის წევრებთან საუბრისას,
თუნდაც სამქმე ეხებოდეს B2B მარკეტინგს.
შენარჩუნება ბუნებრივი ტონის ხდის შენს ტექსტს უფრო მეტად მიზიდველს
და ახლოს მომხმარებლებისთვის, აღნიშნული სტრატეგია კი საბოლოო ჯამში დაგეხმარება ჩამოაყალიბო,
მეგობრული კავშირი შენს სამიზნე აუდიტორიასთან, რაც წარუძღვება მათ ჩვენთვის სასურველი ქმედების განხორციელებისკენ.
არსებობს 4 ეფექტური მიდგომა, ამ მიზნის განსახორციელებლად:
• გამოიყენე მარტივი სიტყვები- ფოკუსირდი სიმარტივეზე, რათა უზრუნველყო ტექსტის ადვილად აღქმადობა. შენი მთავარი მიზანია არა
შენი შესალებლობების და გონიერების წარმოჩენა, არამედ შექმნა დამაჯერებელი და მარტივად გასაგები ტექსტი, რომელიც ასლის მთავარ სათქმელს ლაკონურად გადმოსცემს, ამისთვის, შეცვალე რთული სიტყვები ალტერნატიული, გამარტივებული ვერსიებით.
• დაუსვი მკითხველს შეკითხვები-ტექსტში შეკითხვების გამოყენება არის ეფექტური მიდგომა მკითხველის მხრიდან ჩართულობის გაზრდის მიზნით.
მსგავსი პრაქტიკა უბიძგებს მკითხველს დაამუშავოს და იფიქროს ტექსტის შინაარსზე უფრო ინტენსიურად. კითხვების დასმა შენს ასლს გახდის უფრო მეტად დამაჯერებელს და ტექსტს შეძენს მცირე, მაგრამ მნიშნველოვან დეტალებს.
• გამოიყენე მოკლე წინადადებები-ჩაშალე დიდი წინადადებები და აბზაცები, რამდენიმე პატარა ნაწილებად, რაც გაამარტივებს კითხვის პროცესს. შეეცადე არ გამოიყენო ბუნდოვანი ფრაზები და სიტყვები, რომლებიც არ სძენს წინადადებას რაიმე სახის მნიშვნელობას.
(10-15 სიტყვამდე შედგენილი წინადადებები მუშაობს საუკეთესოდ)
• წერე ერთი ადამიანისთვის- მიმართე მკითხველს პერსონალურად, გმოიყენე ,,შენ“ ენა, აგრძნობინე მკითხველს, რომ ესაუბრები მათ პირადად.
ამ სტრატეგიების გამოყენებით, შენ შეძლებ შექმნა ასლი, რომელიც იქნება არა მარტო გრამატიკულად გამართული, არამედ უფრო მეტად მიმზიდველი, ახლო და ეფექტური საბოლოო მიზნის მიღწევისთვის.
4. შექმენი მიმზიდველი და დაუძლეველი სათაური (Headline)
სათაური არის ტექსტის ის ნაწილი, რომლესაც მკითხველი პირველი ეცნობა. შესაბამისად აუცილებელია ჩავდოთ მაქსიმალური ძალისხმევა ეფექტური და თვალისმომჭრელი სათაურის შესაქმნელად,
სათაური მოქმედებს, როგორც საწყისი შთაბეჭდილება, ის განსაზღვრავს გააგრძელებს თუ არა მომხმარებელი ასლის კითხვას. როგორც ქოფირაითერი, შენი მოვალეობაა შექმნა სათაური,რომელსაც ექნება გავლენა მკითხველზე,
დააინტერესებს და დააინტრიგებს მათ.
არსებობს რამდენიმე მიდგომა დამაჯერებელი სათაურის დასაწერად:
• იყავი კონკრეტული: წარმოაჩინე ნათლად თუ რის შესახებაა შენი ასლი
• იყავი უნიკალური: მკითხველი აფასებს სიახლეს და გამორჩეულობას, შექმენი სათაური,რომელიც სთავაზობს მომხარებელს რაიმე ღირებულს და გაფორმებულია ვიზუალურადაც
• იყავი დამხმარე- შეთავაზება რაიმე ღირებულის არის ყველაზე ძლიერი ხელსაწყო, რომელიც ყველა შემთხვევაში მუშაობს. ადამიანებს მოსწონთ მსგავსი სახის შეთავაზებები,რომლებიც მათთვის სასარგებლოა
• შექმენი სასწრაფოობის გრძნობა- შექმენი განცდა, რომ შენ მიერ შეთავაზებული ნივთი თუ სერვიზი არის ღირებული, ლიმიტირებული დროით. აგრძნობინე მკითხველს, რომ ისინი დაკარგავენ მეტად ღირებულს თუ არ იმოქმედებენ ახლავე
• დაუსვი შეკითხვა:ეს მეთოდი არის ერთ ერთი ეფექტური გზა,რათა მივიზიდოთ და ჩავრთოთ ისინი ასლის გასაცნობად
• სათაური უნდა იყოს მოკლე და ლაკონური, რომელიც პირდაპირაა დაკავშირებული მიზანთან
• შექმენი სათაური,რომელიც მოიცავს ციფრებსა და სტატისტიკას- ეს მეთოდი დაგეხმარება დამატებითი ინტერესის გასაღვივებლად
მოცემული რჩევების გათვალისწინებით, შენ შეძლებ გაზარდო ალბათობა მიიზიდო მკითხველი შენ მიერ შექმნილი ასლის გასაცნობად.
5.ქმედებისკენ მოწოდება(CTA)
ქმედებისკენ მოწოდება, იგივე რაც call to action, არის გადამწყვეტი ნაწილი ნებისმიერი ასლის, რომლის შექმნასაც აპირებ. კარგად გამოხატული CTA-ს გარეშე მკითხველი უბრალოდ წაიკითხავს შენ ტექსტს და წავა, შენთვის სასურველი ქმედების განხორციელების გარეშე,
ასე, რომ ძლიერ CTA-ს დასაწერად გაგიზიარებ რამდენიმე გამოსადეგ რჩევას:
• შექმენი სასწრაფოობის გრძნობა-მსგავსად ასლის სათაურისა, CTA-ს ასევე სჭირდება იყოს საკმარისად დამაჯერებელი, რათა მკითხველს შეუქმნას გარკვეული სახის შეგრძნება და უბიძგოს მოქმედების განხორციელებისკენ, შესაბამისად სასწრაფოობის გრძნობის გაჩენა,
იმ მიზნით, რომ ისინი გამორჩებიან რაიმე ღირებულს შესანიშნავი მეთოდია CTA-ს დასაწერად, მაგალითად: ,,არ გამოგრჩეს- შეთავაზება მოქმედებს 5 აპრილად~მდე „
• დაწერე მოკლე მაგრამ ძლიერი CTA - გამოიყენე ისეთი სიტყვები, რაც პირდაპირ მოუწოდებს მათ კონკრეტული ქმედების განხორციელებისკენ, მაგალითად: ,,დააჭირე ღილაკს ახლავე“, ,, გადმოიწერე ახლავე“
• შესთავაზე რაიმე ღირებული, უსაფრთხოების გარანტიით- შეთავაზება რაიმე ღირებულის, რომელიც აღძრავს ინტერესს და ცნობისმოყვარეობას, დამატებითი გარანტიის მიცემით ,შესანიშნავი მამოძრევებელი მოტივია მკითხველისთვის კონკრეტული ქმედების განხორციელებისთვის,
მაგალითად: იყიდე 15% ფასდაკლებით- თანხის დაბრუნების გარანტიით!
• გამოიყენე ძახილის ნიშანი
შეჯამებისთვის, კარგად დაწერილი CTA ,სასწრაფოობის განცდით, ზუსტად შერჩეული სიტყვებითა და შეთავაზებული სარგებლით, მნიშნველოვანი წინ გადადგმული ნაბიჯია ჩვენ მიერ დასახული მიზნის შესასრულებლად.
ქოფირაითინგის ფორმულები
აღნიშნული ქოფირაითინგის ფორმულები დაზოგავს შენს დროსა და ენერგიას,
მათი გამოყენებით შენ აღარასდროს მოგიწევს წუხილი ასლის დაორგანიზებასთნ დაკავშირებით.
ყველაზე მნიშვნელოვანი კი ,
ის მოგცემს საშუალებას გახადო შენი ასლი უფრო ეფექტური, შესაბამისად წარმატებულიც
ახლა კი მიმოვიხილოთ თითოეული მათგანი ცალ-ცალკე :
1. AIDA (attention-ყურადღების მიპყრობა, interest- ინტერესის გაღვივება, desire- სურვილის აღძვრა, action- ქმედებისკენ მოწოდება)
• attention-ყურადღების მიპყრობა- მოცემულ ნაწილში შენი მიზანია მიიპყრო მკითხველის ყურადღება, თამამი და პროვოკაციული განცხადებით, ფაქტით. აღნიშნული ნაწილი მოიცავს სათაურებს, საწყის- პირველ წინადადებებს, ამ ნაწილში შენი მთავარი მიზანია მიიპყრო და დააინტრიგო მკითხველი, დაარწმუნო ისინი, რათა განაგრძონ კითხვა
• interest-ინტერესის გაღვივება- შემდეგ ინაცვლებ დაინტერესების ნაწილზე, სადაც ხაზს უსვამ ბენეფიტებს და სარგებელს, გარკვეული ღირებულების მქონე ნივთსა თუ სხვა სახის შეთავაზებაზე, ამ ნაწილში ყურადღება გაამახვილე იმ ასპექტებზე , რომლებიც ნათლად მიემართება მომხმარებლის პრობლემებს და შესთავაზებს მათ გამოსავალს
• desire-სურვილის აღძვრა- ინტერესის ნაწილის გავლის შემდეგ, მოგიწევს უფრო ღრმად ჩასვლა და მიმზიდველი სურათის შექმნა,რომელიც მკითხველს ნათლად წარმოუჩენს იმ რეალობას თუ, როგორი იქნებოდა მისი ცხოვრება, ჩვენ მიერ შესათავაზებელ პროდუქტთან ერთად, როგორ გაუმჯობესდებოდა მათი ცხოვრება.ტექსტის ამ ნაწილში შეეცადე მკითხველში აღძრა აღტაცება და სურვილი, შეუქმნა საკმარისი მოტივაცია, რათა განახორციელონ გარკვეული ქმედება.
• Action-ქმედებისკენ მოწოდება- ჩართე ტექსტში კონკრეტული ქმედებისკენ მოწოდება, რომელიც მკითხველს ინსტრუქციის სახით გაუძღვება,
თუ რა უნდა გააკეთოს ამ ასლის წაკითხვის შემდეგ,
გაგება და გამოყენება აღნიშნული ქოფირაითინგის ფორმულების, განსაკუთრებით AiDA, მნიშნვენლოვნად გაზრდის შენი წერის ეფექტურობას. აღნიშნული ქოფირაითინგის ფორმულების ზედმიწევნით გამოყენებით, შენ შეძლებ მიიპყრო მკითხველის ყურადღება, შეინარჩუნო მათი ინსტერესი შესათავაზებელი ბენეფიტით , შეუქმნა მოტივაცია და სურვილი, რათა განახორციელოს ჩვენ მიერ წინასწარ განსაზღვრული ქმედება.
2.PAS( problem-პრობლემის წამოჭრა, agitate-პრობლემის გამწვავება-აგიტაცია, solution- გამოსავლის შეთავაზება)
PAS ქოფირაითინგის ფორმულა საკმაოდ გამოსადეგია იმეილ ქოფირაითინგის დროს, რა დროსაც ვცდილობთ შევქმნათ ისეთი სახის ასლი, რომელიც ორიენტირებულია პროდქუტის და სერვისის გაყიდვა-ხელშეწყობაზე , აღნიშნული ფორმულის ეფექტურად გამოყენებისთვის, აუცილებელია გქვქონდეს სწორი ცოდნა თუ რა არის ჩვენი მომხმარებლის პრობლემა.
როგორც ვახსენეთ, PAS ქოფირაითინგის ფორმულა იყოფა სამ ნაწილად:
• problem-პრობლემის წამოჭრა- დავიწყოთ წინადადება იმ პრობლემით, რომელიც მკითხველს აწუხებს ან მასზე ბრაზდება, ამ ნაწილში არ გჭირდება იყო ვრცელი, მხოლოდ ერთი ან ორი წინადადებაა საკმარისი აღნიშნული პრობლემის წარმოსაჩენად
• agitate-პრობლემის გამწვავება-აგიტაცია- გადავინაცვლოთ პრობლემის გამწვავების სტადიაზე, აქ შენი მიზანია გააღრმავო ის უარყოფითი განწყობილება, რომელიც მკითხველს ექმნება აღნიშნულ პრობლემაზე ფიქრის დროს. დახატე ისეთი სურათი, რომელიც მოახდენს ლუსტრაციას, როგორი შემაწუხებელი და დამღლელია ამ პრობლემასთან ცხოვრება,
რა ნეგატიურ როლს ასრულებს ის, მკითხველის პერსონალურ თუ კარიერულ ცხოვრებაში, ხაზი გაუსვი იმას, რომ არ არსებობს რეალური გამოსავალი გარდა ჩვენ მიერ შეთავაზებულისა
• solution-გამოსავალი-საბოლო ნაწილი, წარუდგინე თავი, როგორც რეალური გამოსავალი, რომელიც მათ პრობლემას სამუდამოდ აღმოფხვრის
3. BAB-(before-მანამდე, after-ამის შემდეგ, bridge- საშუალება-ხიდი)
BAB ქოფირაითინგის ფორმულა თავისი სტრუქტურით ჰგავს PAS ფორმულას, თუმცა არსებობს გარკვეული განსხვავებებიც:
• before(მანამდე)- წამოვჭრათ პრობლემა, რაც ჩვენს სამიზნე აუდიტორიას აწუხებს, აღვწეროთ საკითხები და სირთულეები, რომელიც აღნიშნულ პრობლემას ახლავს. გავუსვათ ხაზი როგორი დამღლელია ცხოვრება, აღნიშნულ დაბრკოლებასთან ერთად
• after-ამის შემდეგ- ამ სტადიაზე მკითხველს შევუქმნათ ცოცხალი სურათი, თუ როგორი იქნებოდა მათი ცხოვრება აღნიშნული პრობლემის არსებობის გარეშე,
როგორ სასიკეთოდ შეიცვლებოდა მათი რეალობა რომ არა უკანასკნელი
• bridge-საშუალება (ხიდი) - ამ ეტაპზე, შენ უნდა წაუძღვე მკითხველს თუ, როგორ უნდა მოხვდეს ამ ადგილას, სადაც ეს პრობლემა აღარ არსებობს, შესთავაზე გამოსავალი, შენი პროდუქტისა თუ სერვიზის სახით და ნათლად წარმოაჩინე თუ როგორ მოუგვარებენ ისინი მოცემულ პრობლემას. წარმოაჩინე აღნიშნული გამოსავალი, როგორც ყველაზე რეალური და რელევანტური.
4.PPP-(praise- დაფასების გამოხატვა, picture-ბენეფიტების წარმოჩენა, push-ქმედებისკენ მოწოდება)
• praise-დაფასების გამოხატვა- აღნიშნულ სტადიაზე, შენი მიზანია მეგობრული ურთიერთობის დამყარება მკითხველთან, მათთვის კონკრეტული კომპლიმენტის მიცემით. ვაგრძნობინოთ მკითხველს, როგორც დაფასებული და ნამდვილად დაინტერესებული მათთვის დახმარების აღმოჩენის სურვილით.
• Picture- ბენეფიტების წარმოჩენა- ნათლად წარმოვაჩინოთ თუ როგორ აღმოფხვრის ჩვენ მიერ შეთავაზებული საგანი მათ კონკრეტულ გამოწვებებსა და პრობლემებს. გავამყაროთ ჩვენი შეთავაზება რეალური არგუმენტებითა და ფაქტებით, რათა მოვიპოვოთ სანდოობა.
• Push-ქმედებისკენ მოწოდება- მსგავსად ყველა სახის ქოფირაითინგის ფორმულისა, დავასრულოთ ჩვენი ასლი მკითველისთვის კონკრეტული ქმედების მოწოდებით, რომელიც მათ პირდაპირ უბიძგებს გარკვეული ქმედების შესრულებას. სწორედ ამ ნაწილში ჰპოვებს განხორციელებას ის იმპულსი, რაც შევქმენით ჩვენი ასლის წინა ორ სტადიაზე.
შემდეგ სექციაში გაჩვენებ პრაქტიკულ ქოფირაითინგის მაგალითებს შედგენილი ქოფირაითინგის ფორმულების გამოყენებით,ციფრული მარკეტინგისთვის.
ქოფირაითინგის მაგალითები
მოცემულ სექციაში შენ გაეცნობი ქოფირაითინგის პრაქტიკულ მაგალითებს,
ქოფირაითინგი არის ძლიერი ხელსაწყო ონლაინ გაყიდვების გენერირებისთვის, მაგრამ პრაქტიკაში თეორიული ცოდნის კონვერტირება დაწყები ქოფირაითერებისთვის გამოწვევას წარმოადგენს,
ამასთანავე, შენ გაქვს შესაძლებლობა გარკვეული მოდიფიცირების ფარგლებში, სტრუქტურის შეცვლის გარეშე, გამოიყენო აღნიშნული მაგალითები შაბლონებად, როგორც ერთგვარი სახელმძღვანელო:
• Email ქოფირაითინგი
• sales ქოფირაითინგი
• facebook რეკლამის ქოფირაითინგი
1. Welcome email (მისასალმებელი იმეილ ქოფირაითინგი)-შედგენილი AIDA ფორმულით:
2. SALES ქოფირაითინგი - შედგენილი PAS ფორმულით
3.Facebook რეკლამის ქოფირაითინგი-შედგენილი AIDA ფორმულით
10 საუკეთესო რჩევა დამწყები ქოფირაითერისთვის
მას შემდეგ რაც გაიარე ქოფირაითინგის ყველა ფუნდამენტური ასპექტი, სასარგებლო იქნება გაითვალისწინო შემდეგი 10 რჩევა
იყო კარგი ქოფირაითერი საჭიროებს არა მარტო ძლიერ წერის უნარებს, ასევე საბაზისო ცოდნას ციფრული მარკეტიგის ფუნდამენტების შესახებ. ახლა კი გაგიზიარებ 10 ეფექტურ ქოპირაითინგის რჩევას, რაც მოგცემს საშუალებას იყო გამორჩეული სხვა კონკურენტებთან მიმართებით:
1. წერე რაც შეიძლება მეტი: შექმნა ასლის, რომელიც სრულად გამდმოსცემს შენი ქოფირაითინგის უნარებს რთულია. ამ უნარების სრულყოფილ დონეზე გამოვლენას სჭირდება გარკვეული დრო. სწორედ საუკეთესო გამოსავალი ამის დაძლევისთვის ესაა წერო რაც შეიძლება მეტი.
2. გამოიყენე მომხმარებლის სასაუბრო ენა: ეს მიდგომა დაგეხმარება დაამყარო ავთენტური კავშირი მკითველთან.აგრძნობინო , რომ გესმის მათი საჭიროებები. ამისათვის მომხარებლის კვლევის პროცესში, დააკვირდი სოციალურ მედიებში მათ სასაუბრო ტონს და გამოიყენე იგივე სასაუბრო ენა.
3. დააკვრიდი შენ კონკურენტებს- კონკურენტებზე დაკვირვება დაგეხმარება, აღმოაჩინო სუსტი წერტილები შენი წერის მიდგომებში, ამასთანავე გაიგებ თუ რა მოსწონს და რა არა მკითხველს კონკურენტის მიერ შექმნილი შეთავაზებებიდან. ამ ანალიზიდან გამომდინარე, კი შექმნა ასლი, სადაც შესთავაზებ ისეთ პროდუქტსა თუ სერვისს, რომელიც შენმა კონკურენტმა ვერ უზრუნველყო.
4. ყოველითვის გამოიყენე სოციალური დადასტურება- ეს არის ძლიერი ხელსაწყო, განსაკუთრებით იმ შემთხვევაში, როდესაც მომხმარებელს უწევს არჩევანის გაკეთება რამდენიმე შეთავაზებიდან. შესაბამისად შენს ასლში, კმაყოფილი მომხარებლების კომენტარებისა თუ სხვადასხვა სახით გამოხმაურებების შეტანა, გააძლიერებს პოტენციური მომხარებლის მხრიდან სანდოობის გაზრდას. სოციალური მტკიცებულების გამოყენების მეორე შესანიშნავი გზა, ცნობილი პიროვნებების თუ ბრენდების ასოცირებაა შენს მიერ გაკეთებულ შეთავაზებებთან. არასდროს გამოიყენო ყალბი გამოხმაურებები, აღნიშნული საპირისპიროდ იმოქმედებს შენი ბრენდის სტატუსსა და სანდოობაზე.
5 . განსაზღვრე შენი შეთავაზების უნიკალური მხარე- სანამ დაიწყებ წერას, ყოველთვის დაფიქრდი თუ რა ხდის შენ შეთავაზებას გამორჩეულს სხვა კონკურენტებთან შედარებით, შეიძლება ეს ფაქტორი იყოს:სანდოობა, ხელმისაწვდომობა, ინოვაციურობა. შეთავაზება ნამდვილი და უნიკალური ღირებულების, მომხარებლისთვის ყოველთვის საუკეთესო არჩევანია.
6. იკითხე რაც შეიძლება მეტი-კითხვა არის არსებითი ფაქტორი წარმატებული ქოფირაითინგისთვის, ამ მიდგომით შენ გაიუმჯობესებ წერის უნარს, უკეთესად შეძლებ ტექსტის შინაარსის ორგანიზებას და დაწერ გამართულად.
7. ყურადღება გაამახვილე ვიზუალურ მხარეზე- მიუხედავად იმისა, რომ აღნიშნული მიდგომა დამოკიდებულია ტექსტის სახეობაზე , შენი ასლის ვიზუალური ელემენტებით გაფორმება ერთ-ერთი მნიშვნელოვანი ფაქტორია. აღნიშნული მიდგომა გაზრდის მომხმარებლის ჩართულობას. ვიზუალური მხარის ოპტიმიზაციაში არ იგულისხმება მხოლოდ ტექსტის სურათებითა და სხვადასხვა სახის ვიზუალით გაფორმება, არამედ ფონტის სიდიდე, აბზაცებს შორის დაშორება და სხვა.
8. იყავი ერთ კონკრეტულ საკითხზე ორიენტირებული- შეეცადე არ გამოიყენო ბუნდოვანი და ზოგადი ენა, მიაწოდე მკითხველს კონკრეტული ერთი ინფორმაცია, რომელიც ეხება შენს მიერ შესათავაზებელ საკითხს. ტექსტში ერთდროულად არ მოიცვა სხვადასხვა სახის შეთავაზებები, რამაც შეიძლება გამოიწვიოს მკითხველის მხრიდან მთავარი შეთავაზებიდან გადახვევა,
ასე, რომ შეეცადე ასლი იყოს ადვილად გასაგები, თავისი კონკრეტული და ღირებული შეთავაზებით.
9. აირჩიე სასაუბრო ენა აუდიტორიის შესაბამისად- ქოფირაითინგის აუცილებელი ფუნდამენტია შესაბამისობა, შენ წერ არა საკუთარი თავისთვის, არამედ კონკრეტული ადამიანთა ჯგუფისათვის. შესაბამისად შექმნილი ასლი სხვადასხვა სამიზნე აუდიტორიებისთვის ვერ იქნება ერთი და იმავე, ( მაგალითად თუ შენი ორიენტირია B2B მოხმარებელთან ურთიერთობა), შეეცადე შეინარჩუნო შედარებით ფორმალური და პროფესიონალური სასაუბრო ტონი, ხოლო B2C სამიზნე აუდიტორიისთვის გამოიყენე უფრო მეტად ზოგადი და ყოველდღიური სასაუბრო ენა.
10. იყავი დამაჯერებელი, მაგრამ არა ზედმეტად მომთხოვნი - იყო დამაჯერებელი გხდის დახვეწილსა და სანდოს, თუმცაღა უნდა აირიდო ზედმეტად მოთხოვნადობა მკითხველთან მიმართებაში. შენი ქმედებისკენ მოწოდება უნდა იყოს ზრდილობიანი და მათთვის მომგებიანი, წინააღმდეგ შემთხვევაში მომხარებელი შენს ასლს ჩათვლის, როგორც არასანდოს და შენ მიერ განსაზღვრული მიზანი ჩაფლავდება.
მოხარული ვიქნები, თუ აღნიშნული სახელმძვანელო შენთვის სასარგებლო იქნება,
